بحبك يا عمري أنا يا لحن موالـي
الغالي بحياتي رخص وإنت إل بعد غالي
كل شي بحياتي أجى فيها خريف فصول
إلاك جايي ربـــيــع العــمــر ع تلالــــــــــــي
غبت وتركت القلب دمع وشمع مبلـــــول
باقي ع اخر رمق في العتم بيلالـــــــــــــــــــي
مش بس بالي بقي عاغيبتك مشــغـــول
جرحي بنزفو صفي مشغول مع بالــــــــــــــي
مانسيت لما قلت عن جسمك المريـــول
ياما شلحتو ولبستك بالهنا ليالـــــــي
وكل ما عيوني على منظر حلو بتجــــــول
يمحي المنظر سحر جسمك بجي قبالـي
قديش قتلوا بشر من جفنك المكحـــول
أكثر ما كانت شظية حرب قتّالـــــــــــــــي
وأكثر ما غنّى إلي البلبل ع غصنو ميول
صوتك بسحرو ع غصن الحب غنّالــــي
ظليت بعدك أنا فتّش بهالمجهـــــول
بلكي بخيط الأمل بهدى على حالـــــــــي
ولقيت حالي ببحر للشط صعب وصــــول
ما زال عسكر جيش موجو وأنا خالــــي
ولما ع دربي رجعت فاني بجسم مشلول
لملم بقايا عمر منثور ع ذيالــــــــــــــــي
حسيت لما إنتهى عمري وفني عاطــول
قضيت عمري وهم طارد ورا خيالــــــــــي
الخميس سبتمبر 27, 2007 6:07 am